Vir die lig en hoop wat jy met soveel liefde en sagtheid in NG Culembeeck gebring het, en vir die kosbare geskenk van jou teenwoordigheid wat ons almal ryk gemaak het.

Jy het nie net ’n leraar vir ons gemeente geword nie – jy het ‘n vriend, ‘n herder, ‘n medegelowige en ’n draer van ons drome, vrese en vreugdes geword.

In jou tyd saam met ons het jy diep spore getrap: nie net op kansel nie, maar ook by hospitaalbeddens, koffie kuiers, begrafnisse, Bybelstudiegroepe en soveel stille oomblikke waar jy net daar was – teenwoordig, luisterend, draend.

 

Mag die Here vir jou ds. Stian, Lizette, en die kinders (Wat groot geword het voor ons oe en so groot deel van ons gemeente was) met sy oneindige genade omvou, julle koester met sy onvoorwaardelike  liefde, en julle sagkens lei op ’n pad wat oorvloei van vrede, vreugde en diep vervulling.

 

Ons wens julle alle voorspoed op die pad wat voor julle le.